Спас район үзәк хастаханәсендә Ачык ишекләр көне узды

Спас район үзәк хастаханәсендә «Яшьләр һәм балалар» милли проектына һәм «Ак халатлы фәрештәләр» акциясенә багышланган Ачык ишекләр көне узды. Чара мәктәп укучыларын Татарстан Республикасының Сәламәтлек саклау системасы белән таныштыруга һәм яшьләрнең игътибарын медицинага җәлеп итүгә юнәлдерелгән иде.

Быел Ачык ишекләр көнендә беренче мәктәпнең медицина сыйныфы укучылары, икенче шәһәр, кадет, санаторий, Никольск һәм Антоновка мәктәпләренең 10-11 сыйныф укучылары катнашты. 

Өлкән сыйныф укучылары алдында сәламләү сүзе белән «Спас үзәк район хастаханәсе» филиалы табибы Илнар Беляев чыгыш ясады. Ул Спас районында медицина өлкәсендә эшләү мөмкинлекләре турында сөйләде. 
Казан дәүләт медицина университеты студенты Полина Рыбакова шулай ук үзенең тәҗрибәсе белән уртаклашты, уку һәм студент тормышы турында видеоролик, шулай ук белгечлекләр һәм югары уку йортына керү кагыйдәләре турында мәгълүмат бирде.

Медицина университетларына керергә ниятләгән укучылар фикер алышуда активлык күрсәттеләр һәм табиб һөнәренә кызыксыну белдереп сораулар бирделәр. Аерым алганда, чарада икенче шәһәр, Никольск һәм Антоновка мәктәпләренең чыгарылыш сыйныф укучылары, шулай ук медицина уку йортларында укуларын дәвам итәргә ниятләгән кадет интернат-мәктәбе укучылары катнашты.

Ачык ишекләр көне укучыларда булачак һөнәрләре турында уңай тәэсирләр калдырып, кызыклы һәм гыйбрәтле үтте.