Спас дзюдочылары Татарстан беренчелегендә катнаштылар

Спас районының “Олимп” спорт мәктәбе дзюдочылары 16-17 апрелдә Казанның “Батыр” комплексында узган дзюдо буенча республика беренчелегендә катнаштылар.

Ярышлар 18 яшькә кадәрге егет һәм кызлар арасында уздырылды. Бәйгеләрдә Казан, Яр Чаллы, Түбән Кама, Чистай, Яшел Үзән, Алабуга, Буа, Спас һәм республиканың башка шәһәр һәм районнарыннан 262 спортчы катнашты.

Ярыш нәтиҗәләре буенча Анастасия Кириллина үз авырлык үлчәвендә өченче урынга чыкты.

Гүзәл Гыйләҗева белән Павел Бынков үз авырлык үлчәүләрендә бишенче булдылар.