Спас районыннан 655 укучы олимпиадаларда катнашачак

Кичә Спас районында 2021-2022 уку елындагы олимпиадаларның муниципаль этабы башланды. Алар шәһәрнең гомумбелем мәктәп базаларында үтәчәк. Олимпиадаларда мәктәп этапларының җиңүче һәм призерлары катнаша. Барлык олимпиадалар санитария-эпидемиология таләпләрен саклап үткәрелә.

"Олимпиадаларның муниципаль этабы 23 декабрьгә кадәр бара.  Аннан соң республика һәм региональ этап җиңүчеләре билгеләнәчәк. Олимпиада җиңүчесе һәм призеры дипломы югары уку йортларына кергәндә шактый өстенлекләр бирә. Укучыларның Бөтенроссия олимпиадасы җиңүчесе яки призеры профильле булмаган юнәлештәге белем бирү программасын сайласа, югары уку йорты карары буенча аңа тиешле фән буенча иң югары БДИ баллы куела. Бу льгота дүрт елга саклана” – дип аңлатты мәгариф бүлеге җитәкчесе урынбасары Людмила Рыбакова.