Коронавируска каршы антитәнчекләре булган кешеләргә QR-кодлар бирә башлыйлар

Организмында коронавирус инфекциясенә каршы антитәнчекләр булган кешеләргә COVID-19 авыруын кичерүләре турында сертификатлар бирелә башлый. Бу хакта вице-премьер Татяна Голиковага сылтама белән Интерфакс агентлыгы хәбәр итә.

ПЦР-тест уңай булса да, COVID-19 диагнозы рәсми куелмаган кешеләр шактый. Хәзер мондый кешеләргә авыру турында бер елга сертификат алу өчен, COVID-19 авыруына каршы антитәнечкләргә анализ ясату да җитә. Бу очракта антитәнчекләрнең күләме түгел, ә аларның канда булуы-булмавы гына исәпкә алына.

Әгәр кеше үзен коронавирус белән авырган дип санаса, әмма ПЦР-тест тапшырмаган һәм медицина ярдәмен сорап мөрәҗәгать итмәгән булса, мондый кешеләргә дә антитәнчекләргә анализ тапшырырга кирәк. Канда COVID-19 авыруына каршы антитәнчекләр табылган очракта, сертификат ярты елга бирелә.

Чит илдә Россиядә яки чит илдә чыгарылган вакцина белән прививка ясатучыларга да Россия территориясендә ярты елга QR-код биреләчәк.