Имтиханны уңышлы тапшыру өчен

автор, 9 апрель 2015 - 05:16

726

Ким урта мәктәбенең унберенче класс укучысы Инна Антипина республика Белем бирү сыйфатын мониторинглау үзәгендә рус теленнән БДИ тапшыру буенча махсус әзерлек үтте. "БДИне - бишлегә!" проектында катнашырга чакыруны аңа бу фән буенча март аенда үткәрелгән сынау имтиханнары нәтиҗәсе буенча биргәннәр. Инна бу сынауларда барлык сорауларга диярлек җавап биргән. Казанда уку...

Ким урта мәктәбенең унберенче класс укучысы Инна Антипина республика Белем бирү сыйфатын мониторинглау үзәгендә рус теленнән БДИ тапшыру буенча махсус әзерлек үтте.

"БДИне - бишлегә!" проектында катнашырга чакыруны аңа бу фән буенча март аенда үткәрелгән сынау имтиханнары нәтиҗәсе буенча биргәннәр. Инна бу сынауларда барлык сорауларга диярлек җавап биргән.

Казанда уку дәверендә ул бик күп файдалы мәгълүматлар алган. Дәресләрдә имтихан бирүчеләр җибәрә торган хаталар тикшерелгән, төрле биремнәрне эшләү алымнарын өйрәнгәннәр. Боларның барысы да укучыга имтиханнарны уңышлы тапшырырга мөмкинлек бирергә тиеш.