Ямбактыга Казан артистлары килде

Авыл халкы мондый чараларны һәрчак көтеп ала. Менә бу юлы профессиональ артистларның чыгышын карарга халык зал тутырып килгән, хәтта күрше авыллардан да килүчеләр күп булды.
Әлбәттә инде, Базарбай Бикчәнтәев, Оливер Мукенди, Анжела Вакилова, Татарстан Халыклар Дуслыгы йортының “Сантош” һинд биюе коллективы чыгышларын тамашачылар көчле алкышларга күмделәр. Шулай ук үзебезнең үзешчәннәр – Рөстәм һәм Радмила Холмирзоевлар, Николай Сафонов башкарган җырларны да яратып кабул иттеләр.
Район башлыгы Камил Нугаев халыкка ял итү мөмкинлеге тудырган башкала артистларына һәм районыбыз үзешчәннәренә тирән рәхмәтен белдерде.