Телевизион эфирда – Бөек Болгар

Тапшыруга Ак мәчет, Хан сарае, дөньядагы иң зур басма Коръән белән танышу, Бөек Болгар “ханы” белән театральләштерелгән очрашу, чүлмәкче остаханәсендә балчыктан сувенирлар ясау кебек мизгелләр кертелгән. 
Программа эфирга ноябрь урталарында чыгачак. Музей-тыюлык хезмәткәрләре фикеренчә, музей ядкарьләре белән читтән торып танышу Болгарга тагын да күбрәк туристларны җәлеп итәргә тиеш. 
Шушы ук көннәрдә тыюлыкта “Драйв” (“Drive”) һәм АВТО24 Бөтенроссия телеканаллары вәкилләре булып китте. Алар Болгар цивилизациясе музеенда экскурсиядә, Идел болгарларының Ислам динен кабул итү истәлегенә корылган музей-күргәзмә комплексында булдылар, XIII-XIV гасыр архитектура һәйкәлләрен карадылар. 
Операторлар тарафыннан төшерелгән материаллар җиде телевизион тапшыруда файдаланылачак.

Фото: соцсети