Спас районы ветераннары "Балкыш" фестивалендә катнаштылар

11 мартта Алексеевскида ветераннар арасында үзешчән башкаручыларның «Балкыш» VII Республика фестиваленең зона сайлап алу туры узды.

Чарада безнең район вәкилләре - Никольск авылы хоры, Михаил Волков һәм "Рожденные в СССР" ир-атлар вокаль коллективы, Ямбактыдан вокаль ансамбль, Урта Йорткүлдә яшәүче Сарым Насыйбуллин, Антоновка авылының "Бездненские зори" халык коллективы, Александр Ануфриев белән "Вдохновение" бию ансамбле һәм Татьяна Назарова, шулай ук Нина Илюшина исемендәге шәһәр халык хоры һәм  "Любо" казаклар ансамбле катнашты. 
Барлык катнашучылар да дипломнар белән бүләкләнде. Казанда узган гала-концертта Спас районын кем тәкъдим итәчәге берничә көнән билгеле булачак.