Күршеләргә – концерт белән

Концерт программасына популяр татар көйләре һәм эстрада җырлары кертелгән иде. Тамашачылар алдында Гөлнәфис Сафина, Сарыйм Насыйбуллин, Рәшидә Шәрипова, Зифа Хәйретдинова, Гөлсәрия Абдрахманова белән Земфирә Галиуллина дуэты чыгыш ясады. Моннан тыш, үзешчән артистлар шаян әсәрләрне дә сәхнәләштереп күрсәттеләр. Үзешчәннәрнең һәр чыгышын тамашачылар яратып кабул иттеләр. Соңыннан әле күңелле дискотека да оештырдылар.