ABIEM Project «Яңарыш: дастанның заманча укылышы» фестивалендә чыгыш ясады

Болгар музей-тыюлыгында Әлмәт шәһәренең ABIEM Project төркеме концерты узды.

Фольклор һәм электрон музыка жанрында музыкаль номерлар аша төркем тамашачыларны төрле халыкларның мәдәнияте белән таныштыра. Артур Җамалетдинов һәм Владимир Федоров татар, рус, чуаш телләрендә җырлыйлар. Халык һәм фольклор музыкаль әсәрләренә заманча яңгыраш биреп, егетләр туган телләрне популярлаштыруга зур өлеш кертә, яшьләрне этник һәм халык җырларына салынган рухи кыйммәтләргә җәлеп итә.

Сүз уңаеннан, 2021 елда төркем Рөстәм Миңнеханов үзенең социаль челтәрләрендә урнаштырган «Челтер-челтер» җыры белән дан казанды.

ФОТОРЕПОРТАЖ