Спас районы Эчке эшләр бүлегендә – яңа җитәкче

Спас районы Эчке эшләр бүлегендә узган киңәшмәдә коллективны яңа җитәкче белән таныштырдылар.

Спас районы Эчке эшләр бүлеге начальнигы итеп Донат Усманов билгеләнде.

Спас районында эшли башлаганчы, ул Мамадыш Эчке эшләр бүлегендә полиция җитәкчесе булып эшләгән.

Киңәшмәдә шулай ук Спас районы суды рәисе Дмитрий Поляков, Татарстан Республикасы буенча Эчке эшләр министры урынбасары Алексей Завгороднев, Спас районы башлыгы Фәргат Мөхәммәтов, район прокуроры Андрей Наумов һәм Спас районы мировой судьясы Юрий Баранов катнашты.