Иске Рәҗәптә авылның иң өлкән кешесе тавыш бирде

Бүген Татарстанның Спас районында Иске Рәҗәп, Өчкүл, Урта Йорткүл авыл җирлекләрендә өч округ буенча район Советына депутатларны өстәмә сайлаулар бара.

Хәзерге вакытта барлык сайлаучыларның 52 проценты тавыш биргән.

Ә Иске Рәҗәп сайлау участогында округның иң өлкән кешесе тавыш бирде.

Аксакалга инде 88 яшь булуына карамастан, ул үзенең гражданлык бурычын үтәргә булган. Участок вәкилләренең өйгә килүеннән баш тартып, сайлау участогына ул үзе килгән.