Спас районы башлагы ветераннарны Өлкәннәр көне белән котлады

Кадерле ветераннар, хөрмәтле өлкән остазларыбыз!

Халыкара өлкәннәр көне уңаеннан ихлас котлауларны кабул итегез!

Фидакарь хезмәтегез, зирәклегегез, бәяләп бетергесез тормыш тәҗрибәгез, һөнәри осталыгыгыз бәрабәренә яулаган әлеге көзге якты бәйрәм – рәхмәт белдерү, хөрмәт күрсәтүнең кечкенә бер өлеше генә әле. Район үсешенә керткән биниһая өлешегез өчен рәхмәт белдерәм. Якыннарыгызның яратуын, кайгыртуын тоеп яшәгез. Алар сезне уңышлары белән сөендерсен. Сезнең гомер – ул байлык. Сез безнең тормышыбызны бизәүчеләр. Сезгә түбәнчелек белән баш иеп, хөрмәт һәм чын күңелдән рәхмәтемне белдерәм. Сәламәтлек, бәхет, гаилә җылысы, күтәренке кәеф телим.

Спас районы башлыгы Фәргат Мөхәммәтов.