ТР Авыл хуҗалыгы министры урынбасары Спас районы игенчеләренең язгы чәчүгә әзерлеген бәяләде

Эш сәфәре белән Спас районына Татарстан авыл хуҗалыгы һәм азык-төлек министры урынбасары Марат Кәримов килде. Районның авыл хуҗалыгы идарәсе җитәкчесе Дмитрий Савинов белән бергә ул җирле игенчеләрнең язгы кыр эшләренә әзерлеген тикшерде.

Сәфәр маршруты берничә төп хуҗалыкны колачлады. Министр урынбасары фермер хуҗалыклары -  Екатериновка авылында Ленар Гыйниятуллин, Мартышачий поселогында Игорь Планин, Балымерда Юрий Семушкин, Танкеевкада Алексей Матвеевта булды, шулай ук «Болгар» ВЗП хуҗалыгы белән танышты. 

"Тикшерү күрсәткәнчә, безнең игенчеләр чәчүгә җаваплы карыйлар. Барлык хуҗалыклар да диярлек югары бәя алды, бары тик зур булмаган һәм якын арада бетереләчәк кисәтүләр генә булды. Гомумән алганда, районның кыр эшләренә әзерлеген яхшы дип бәяләнә", - диде Спас районы авыл хуҗалыгы идарәсе җитәкчесе Дмитрий Савинов.

Районда чәчү кампаниясенә техника һәм орлык материалын әзерләү дәвам итә.