Ашыгырга кирәк

Районның авыл хуҗалыгы һәм азык-төлек идарәсеннән алынган мәгълүматларга караганда, печән өчен якынча 2000 гектарда үлән чаптырылган. Хуҗалыкларда 1350 тонна печән әзерләгәннәр. Үләннәрне 5000 гектардан артык мәйданнан җыеп аласы бар.

Хуҗалыкларда шулай ук сенаж салалар. Бу эш “Авангард”, “ВЗП “Булгар” һәм “Хузангаевское” җәмгыятьләрендә оешканлык белән бара. Биредә инде 2300 тонналап сенаж салынган.
Механизаторлар пар җирләрен эшкәртүне дәвам итә. Әлегә бу мөһим агрочара 17 меңнән артык гектарда гына башкарылган.