Бу көннәрдә безнең якташыбыз, Татарстан Республикасының атказанган авыл хуҗалыгы хезмәткәре, халыкара фәннәр академиясе әгъза-корреспонденты Николай Юнусов үзенең җитмеш яшьлек юбилеен билгеләп үтә.
Аның исеме безнең район белән аерылгысыз бәйле. Хәзер ул Казанда яшәсә дә, безнең район белән элемтәне югалтмый. Коминтерн авылында туып үскән Николай Васильевич үз вакытында "Пичкас" совхозы директоры,...
Бу көннәрдә безнең якташыбыз, Татарстан Республикасының атказанган авыл хуҗалыгы хезмәткәре, халыкара фәннәр академиясе әгъза-корреспонденты Николай Юнусов үзенең җитмеш яшьлек юбилеен билгеләп үтә.
Аның исеме безнең район белән аерылгысыз бәйле. Хәзер ул Казанда яшәсә дә, безнең район белән элемтәне югалтмый. Коминтерн авылында туып үскән Николай Васильевич үз вакытында "Пичкас" совхозы директоры, районның баш агрономы, һөнәр-техник училищесы директоры булып эшләде. Элеккеге хезмәттәшләре, тормышта аралашырга туры килгән кешеләр аның теләсә нинди коллективка җитәкчелек итә алу сәләтен, югары эрудицияле, ышанычлы кеше булуын, кайсы гына урында эшләсә дә, хезмәтен намус белән башкаруын, үзенә ышанып тапшырган предприятиенең үсеше өчен җан атуын билгеләп үтәләр. Югары квалификацияле белгеч буларак, безнең районда эшләгән чорда район авыл хуҗалыгын үстерү, бу тармакны белемле кадрлар белән тәэмин итү өчен ул күп нәрсәләр эшли.
Булдыклы, ышанычлы, кешеләргә яхшылык кына теләгән, туган җиренә олы хөрмәт белән караган, һәрвакыт күтәренке күңелле булган бу кешене без бүген чын күңелдән юбилее белән тәбрик итәбез.
Хөрмәтле Николай Васильевич, сезне чын күңелдән юбилеегыз белән котлыйбыз, нык сәламәтлек, бәхет-шатлык, иминлек, тормышта зур уңышлар телибез. Барлык эшләрегездә уңышлар юлдаш булсын!
Юрий Зуйков, район ветеран оешмалары советы рәисе.
Надежда Гришина, Спас тармак технологияләре техникумы директоры.
* * *
Бу котлауларга Николай Васильевич мәктәп елларында ук хезмәттәшлек итә башлаган "Новая жизнь" ("Яңа тормыш") газетасы коллективы да кушыла. Ул еш кына газета укучыларыбыз белән төрле вакыйгаларга карата үзенең фикерләре, эш тәҗрибәсе белән уртаклашты. Гомер буе тынгысыз тормыш белән яшәгән бу кеше бүген дә активлыгын югалтмый.
Юбилеегыз белән сезне, Николай Васильевич! Сезгә озак елларга җитәрлек нык сәламәтлек, күтәренке кәеф, бәхет телибез!
