Хуш киләсең, Нәүрүзбикә!

автор, 16 апрель 2014 - 04:29

596

Урта Йорткүл авылында ял көнне зурлап "Нәүрүз" бәйрәме уздырылды. Биредә узган Нәүрүз бәйрәме - халкыбызның гореф-гадәтләрен саклап калу, үсеп килүче яшь буынны борынгы йолалар белән таныштыру максатыннан оештырылды. Нәүрүз бәйрәме елдагыча бик күңелле үтте. Милли ризыклар белән сыйланып, төрле уеннар уйнап, такмаклар әйтешеп, авыл халкы күңел ачты. Бәйрәм җырлар, дәртле...

Нәүрүз бәйрәме елдагыча бик күңелле үтте. Милли ризыклар белән сыйланып, төрле уеннар уйнап, такмаклар әйтешеп, авыл халкы күңел ачты. Бәйрәм җырлар, дәртле биюләр, Кыш бабайны озату, Нәүрүзбикәне каршы алу кебек күренешләр белән үрелеп барды.

Чарада катнашучы һәркем матур теләкләр әйтә-әйтә, илләргә иминлек, уңдырышлы еллар теләп, кибет хуҗасы Мәхмүтов Илһам пешергән шашлыктан авыз иттеләр, авылыбызның уңган хатын-кызлары пешергән тәмле коймак белән чәй эчтеләр. Аркан тартышу, кашыкка йомырка куеп йөгерү, гер күтәрү, җирдән вак акча җыю, җептәге бүләкләрне кисү кебек уеннарда балалар да, олылар да бик теләп катнаштылар. Бәйрәм бик күңелле булды, авыл халкы бәйрәмне оештыручыларга зур рәхмәт әйтеп, күтәренке күңел белән өйләренә таралаштылар.

Зәмзәмия Гатауллина, Урта Йорткүл авылы.