Яңа тормыш
  • Рус Тат
  • Укучыларыбыз – алдынгылар арасында

    Болгар Балалар сәнгать мәктәбе укучылары Надежда Беляева һәм Дарья Кобенячкина Казан шәһәрендә үткәрелгән дәрәҗәле "Тат-Ars-Тан" балалар һәм яшүсмерләр иҗаты фестиваль-конкурсында призер булдылар. Алар бәйгегә укытучы Людмила Микшина җитәкчелегендә хәзерләнеп, "Театр иҗаты. Нәфис сүз" номинациясендә билгеләп үтелделәр. Надеждага Роберт Рождественскийның "Байкальская баллада" һәм Эдуард Успенскийның "Вера и Анфиса открывают старинную дверь"...

    Болгар Балалар сәнгать мәктәбе укучылары Надежда Беляева һәм Дарья Кобенячкина Казан шәһәрендә үткәрелгән дәрәҗәле "Тат-Ars-Тан" балалар һәм яшүсмерләр иҗаты фестиваль-конкурсында призер булдылар.
    Алар бәйгегә укытучы Людмила Микшина җитәкчелегендә хәзерләнеп, "Театр иҗаты. Нәфис сүз" номинациясендә билгеләп үтелделәр. Надеждага Роберт Рождественскийның "Байкальская баллада" һәм Эдуард Успенскийның "Вера и Анфиса открывают старинную дверь" әсәрләрен сәнгатьле итеп укыганы өчен үз яшь төркемендә беренче урынны бирделәр. Дарья Юна Морицның "Весна" һәм Татьяна Демидовичның "Опоздала" шигырьләрен сөйләде. Аның чыгышы да жюри тарафыннан югары бәяләнде һәм II дәрәҗә диплом белән билгеләп үтелде.
    Надежда 18 майда Габдулла Тукай исемендәге Татар Дәүләт филармониясендә үтәчәк гала-концертта чыгыш ясый. Моннан тыш, конкурсны күзәтеп торган Казан театр училищесы педагоглары аны үзләренең уку йортында укырга чакырганнар.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: