Техниканың хәзерлеге тикшерелде

Моның шулай булуы республиканың авыл хуҗалыгы һәм азык-төлек министрлыгы һәм министрлыкның район идарәсе белгечләре тарафыннан хуҗалыклар арасында уздырылган конкурс нәтиҗәсендә ачыкланды. Булган барлык техника, шул исәптән чит илдә эшләнгән "МакДон" чапкычы һәм "Ягуар" комбайны яхшы итеп ремонтланган, бүген алар агрофирма басуларында тулы көчкә печән чаба. Ваклатылган үләнне дүрт КамАЗ машинасы Кимга ташып тора. Биредә аны махсус технология буенча курганнарга салалар. Яшел массаның бер өлеше моноазыклар әзерләүгә тотыла. Техника төзек булгач тоткарлыкларсыз эшли.

Комиссия икенче урынны Сергей Юрков крестьян (фермер) хуҗалыгы азык әзерләүчеләренә бирде. Алар басуга чыгарга тулысынча әзер, малларга кирәк кадәр күләмдә печән туплый алачакларына өметләнәләр.