Бу максатка 8,2 млрд сум акча бүлеп бирелгән.
Быел «Имин һәм сыйфатлы автомобиль юллары» милли проект кысаларында Татарстанда 254 километр юлларны төзекләндерү планлаштырыла. Бу максатларга 8,2 миллиард сум акча бүлеп бирелгән, дип хәбәр итә Татар-информ мәгълүмат агентлыгы.
Шул исәптән төбәк әһәмиятендәге 64 километр юл, ә Казан агломерациясендә — 106 километр, Чаллы агломерациясендә — 77 километр, Түбән Кама агломерациясендә 2 километр юл ремонтланачак.
Әлеге эшләр нәтиҗәсендә норматив таләпләргә җавап биргән төбәк юллары 47 процентка җитәчәк, ә нормага туры килгән шәһәр агломерацияләре юллары күрсәткече 81 процеттан артачак.
Иң мөһим һәм кызыклы язмаларны Татмедиа Telegram-каналында укыгыз
