Суд залыннан – төрмәгә

автор, 14 июнь 2013 - 05:34

516

Суд тарафыннан билгеләнгән таләпләрне үтәмәгән өчен Болгарда яшәгән берәүне ел ярымга ирегеннән мәхрүм иттеләр. Җинаять җәзаларын үтәтү инспекциясеннән хәбәр итүләренә караганда, утыз ике яшьлек бу кеше әйбер урлаганы өчен ирегеннән сынау шарты белән ике елга мәхрүм ителгән булган. Шуңа да карамастан, җәмәгать урыннарында исереп йөргән, инспекциягә килеп теркәлү үтәргә дә...

Суд тарафыннан билгеләнгән таләпләрне үтәмәгән өчен Болгарда яшәгән берәүне ел ярымга ирегеннән мәхрүм иттеләр.

Җинаять җәзаларын үтәтү инспекциясеннән хәбәр итүләренә караганда, утыз ике яшьлек бу кеше әйбер урлаганы өчен ирегеннән сынау шарты белән ике елга мәхрүм ителгән булган. Шуңа да карамастан, җәмәгать урыннарында исереп йөргән, инспекциягә килеп теркәлү үтәргә дә ашыкмаган. Өстәвенә, сынау вакытын да ике тапкыр арттырып караганнар. Тик ул барыбер төзәлү юлына басмаган. Шуның өчен аны суд залында ук сак астына алдылар. Бәлки колониядә утырып кайтканнан соң закон таләпләрен төгәл үтәргә кирәклеген аңлар.