Россиядә 2021 елның 1 апреленнән пенсияләр арта

Бу язда социаль түләүләрнең артуына беренче чиратта социаль пенсия алуга хокукы, моның өчен тиешле хезмәт стажы булмаган яки түбән пенсия коэффициентлары билгеләнгән кешеләр өмет итә ала. Яшәү минимумының артуын исәпкә алып, пособие 2,6 процентка артырга тиеш.

Сенатор әйтеп үткәнчә, Конституциянең яңа нормалары буенча, федераль гына түгел, ә төбәкләрдәге түләүләргә дә индексация ясалачак. Бибикова сүзләренә караганда, 2021 елдан башлап барлык страховой пенсияләр 6,3 %ка артачак. Аерма узган ел белән чагыштырганда якынча мең сум тәшкил итәчәк. Мисал өчен, пенсиянең уртача күләме 17 444 сум булачак.

“Страховой пенсияләр белән бергә, күп кенә пенсионерлар, шул исәптән инвалидлар, сугышчан бәрелешләр ветераннары, Бөек Ватан сугышында катнашучылар, айлык түләүләр дә ала. Аларга индексация узган елдагы куллану бәяләренең индексы буенча исәпләп чыгарыла. Әлегә арттыру 3,8 процент күләмендә каралган”, - дип аңлатма бирә “Парламентская газета”.

2021 елда пособие алу өчен төп өч нәрсә: пенсия яшенә җитү, ким дигәндә 12 еллап хезмәт стажы һәм 21 пенсия коэффициенты кирәк. Лаеклы ялга вакытыннан алда зарарлы урыннарда эшләүчеләр, җәмәгать транспортын йөртүчеләр, текстиль производствосы тармагында хезмәт куючылар һәм башкалар чыга ала.