Патриотлар тәрбиялиләр

автор, 28 декабрь 2012 - 09:53

1126

Үсеп килүче буынга хәрби-патриотик тәрбия бирүдә зур эш алып барган өчен Ким урта мәктәбе коллективы укытучылары Татарстан Республикасы Эчке эшләр министрлыгы Рәхмәт хатына лаек булдылар. Хатта аларның "Татарстан Республикасы яшьләренә 2011-2013 елларда патриотик тәрбия бирү" республика комплекслы программасында актив катнашулары, укучыларда сәламәт тормыш алып бару һәм егетләрне армия хезмәтенә хәзерләү...

Хатта аларның "Татарстан Республикасы яшьләренә 2011-2013 елларда патриотик тәрбия бирү" республика комплекслы программасында актив катнашулары, укучыларда сәламәт тормыш алып бару һәм егетләрне армия хезмәтенә хәзерләү буенча башкарган эшләре билгеләп үтелә. ТР Эчке эшләр бүлеге министры Артем Хохорин директор Ирина Волевага ноутбук бүләк итте.

Шул рәвешле ТР Эчке эшләр министрлыгы каршындагы Җәмәгать советы Россия дәүләтчелеген ныгытуга юнәлдерелгән "Генераллар советы" Татарстан җәмәгать оешмасы белән бергә республикадагы биш мәктәп укытучыларын билгеләп үтте. "Генераллар советы"на республикада бу дәрәҗәне йөртүче 36 генерал керүен исәпкә алсаң, укытучылар эшенә югары бәя бирелгән.