Вакцина составында коронавирус юк, шуңа күрә прививка ясатканнан COVID-19 белән чирләп китү куркынычы янамый.
Татарстанда COVID-19 коронавирусына каршы вакцинаны теләге булган бөтен кеше ясата ала. Бүгенге көнгә инде 50 меңнән артык кеше прививка ясаткан. Иммунитет формалашсын өчен аны ике тапкыр ясатырга кирәк, дип хәбәр итә "Татар-информ" агентлыгы.
Шул чакта иммунитет озак вакытка формалаша. Икенче тапкыр вакцина 21 көннән соң ясала.
Белгечләр аңлатуынча, вакцина кешедә була торган аденовирусның рекомбинант кисәкчәләреннән гыйбарәт. Аның составындагы S-аксым протеины коронавирус тышчасында да бар. Менә шуңа карата иммунитет барлыкка килә дә инде.
Нет комментариев