Хәйриячеләрне котладылар

автор, 27 март 2013 - 04:52

512

Красная Слобода авылында яшәүче күп балалы Склеренко гаиләсенә йөк һәм пассажирлар ташый торган "Фиат Дукато" микроавтобусы тапшырдылар. Бүләкне өченче көн "Хәйрияче-2012" республика конкурсында җиңеп чыгучыларны котлаганда Казан шәһәренең Муса Җәлил исемендәге Татар дәүләт опера һәм балет театрында үткән тантанада бирделәр. Исегезгә төшерәбез, Гөлсәрия белән Владимир Склеренко гаиләсе ун бала тәрбияли,...

Красная Слобода авылында яшәүче күп балалы Склеренко гаиләсенә йөк һәм пассажирлар ташый торган "Фиат Дукато" микроавтобусы тапшырдылар.

Бүләкне өченче көн "Хәйрияче-2012" республика конкурсында җиңеп чыгучыларны котлаганда Казан шәһәренең Муса Җәлил исемендәге Татар дәүләт опера һәм балет театрында үткән тантанада бирделәр.

Исегезгә төшерәбез, Гөлсәрия белән Владимир Склеренко гаиләсе ун бала тәрбияли, аларның бишесе - тәрбиягә алган. Бу вакыйга истәлеге итеп балаларга зур торт, ә Гөлсәрия Минтаһир кызына тун бүләк иттеләр.

Бу конкурсның "Зур һәм урта предприятиеләр" номинациясендә җиңеп чыккан "Алексеевскдорстрой" җәмгыяте җитәкчесе Фоат Вәлиевка диплом белән истәлекле медаль тапшырылды.

"Физик затлар" номинациясендә 2нче мәктәп укытучысы Ольга Выжленкова һәм Кузнечиха Мәдәният йорты директоры Валентина Радионова җиңеп чыкты.