Болгардан чыгу урыныныда ветеринария контроле эшли

Болгар шәһәрендә дуңгызларның Африка чумасы авыруы очрагы ачыклану сәбәпле, Спас районында карантин режимы кертелде. 

Эпизоотия чыганагына биш километрлы зонада урнашкан өч торак пункт – Болгар шәһәре, Ржавец авылы, Приволжский бистәсе керә.

Хәәзерге вакытта шәхси хуҗалыклардан дуңгызларны җыеп юк итү буенча ветеринария-санитария чаралары үткәрелә.

Приволский бистәсендәге сигез хуҗалыктан 2546 килограмм уртак авырлыктагы 23 терлек, Ржавецның дүрт шәхси хуҗалыгыннан – 488,3 килограмм гомуми авырлыктагы 22 дуңгыз алынган.

Болгардан чыгу урынында ветеринария контроле посты куелган. Шәһәрдән чыгучы машиналарның барысына да дезинфекция ясала.