“Агачлар шаулап үссен”

Балалар китапханәсе хезмәткәрләре 2нче мәктәпнең алтынчы класс укучылары өчен шундый исем астында телдән журнал оештырдылар.

Аның һәр бите урманнарның кеше тормышындагы әһәмияте турында сөйләде, урманнарга сакчыл карарга кирәклегенә аерым басым ясалды. Укучыларга урман турында табышмаклар чишәргә, урман турында мәкальләр һәм әйтемнәрне, урманны сурәтләгән картиналарны һәм башкаларны искә төшерергә тәкъдим ителде.

Алар шулай ук урманга багышланган китап күргәзмәсе белән таныштылар. Ахырда һәр укучы урман турында әңгәмәне дәвам итү өчен мини-иншалар язды һәм рәсем ясады.