Яңа тормыш
  • Рус Тат
  • Кечкенәдән үк урманны яратты

    Урманнарның киләчәге безнең кулларда. Урман хуҗалыгы тармагында хезмәт куючылар бу эшкә аеруча зур өлеш кертә. "Болгар урманчылыгы" ДБУ җитәкчесе урынбасары Евгений Мулинов әнә шундыйлардан. Аны гаилә династиясенең эшен лаеклы дәвам итүче дип әйтергә була, чөнки әтисе Сергей Леонидович та гомере буе шушы өлкәдә хезмәт куйган. Евгенийның әйтүенчә, ул урманга кечкенәдән...

    Урманнарның киләчәге безнең кулларда. Урман хуҗалыгы тармагында хезмәт куючылар бу эшкә аеруча зур өлеш кертә.

    "Болгар урманчылыгы" ДБУ җитәкчесе урынбасары Евгений Мулинов әнә шундыйлардан. Аны гаилә династиясенең эшен лаеклы дәвам итүче дип әйтергә була, чөнки әтисе Сергей Леонидович та гомере буе шушы өлкәдә хезмәт куйган. Евгенийның әйтүенчә, ул урманга кечкенәдән үк гашыйк, шуңа күрә мәктәптән соң нинди һөнәр сайларга дип озак уйлап тормаган. Лубянка совхоз-техникумын тәмамлаган, туган якларына әйләнеп кайткан. Хәзерге вакытта Казан аграр институтында читтән торып белем ала.

    Урманчылык коллективы алдына районыбыз урманнарын саклау һәм аны тагын да арттыру бурычы куелган. Евгенийның да вазифалары аз түгел. Аңа урман байлыгын арттыруга бәйле төп мәсьәләләрне контрольдә тотарга, урманны өшегән яки корыган агачлардан чистарту максатында район халкы белән килешүләр төзергә туры килә. Евгений үз бурычын яхшы аңлый һәм аны зур җаваплылык белән башкара. Тынгысыз холыклы яшь белгечне коллективта да яраталар.

    Руслан Хәмидуллин фотосы.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: