Яңа тормыш

Спас районы

18+
Рус Тат
2024 - год Семьи
Көн темасы

Борынгы Болгарда “Бөек Болгар” фестивале уза (ФОТО)

​​​​​​​Борынгы Болгарда инде алтынчы ел рәттән уздырыла торган урта гасырлар сугышы халыкара фестиваленә Россиянең төрле төбәкләре, чит илләрдән һәм, билгеле инде, Татарстанның төрле якларыннан халык җыелды.

Фестиваль елдан-ел халык аррасында зуррак популярлык казана бара. Катаншучылар саны да ел саен арта. Фестивальне ачып җибәрү тантанасында Бөек Болгарга җыелган кунакларны район башлыгы Камил Нугаев, Татарстан Республикасы Дәүләт Советы Рәисе урынбасары Татьяна Ларионова, Россия Дәүләт Думасы депутаты Ольга Павлова, ТР туризм буенча Дәүләт комитеты рәисе, “Тарихка сәяхәт” туристлык агентлыгы генераль директоры Алексей Кокурин, Болгар музей-тыюлыгы директоры Фәргат Мөхәммәтов сәламләде.  

Алар халыкны шушы зур вакыйга белән котлап, орышта катнашучылар җиңүләр һәм уңышлар, ә тамашачыларга тирән тарихи тамырлары булган борынгы җиребездә күңелле ял итүләрен теләделәр.

Аннары исә махсус ясалган урында орышлар башланып китте. Тамашачыларга аеруча атта орышлар, борынгы киемнәр кигән җайдакларның үз осталыкларын күрсәтүе ошады.

Фестивальдә төрле ярминкәләр, тарихи, гаилә белән ял итү өчен мәйданчыклар эшли, урта гасырлар һөнәрләре, борынгы биюләр, уктан, арбалеттан ату буенча мастер-класслар үткәрелә. Ә күпсанлы артистлар исә тамашачыларны дәртле музыка белән хозурландыра. Шулай итеп, монда һәр кеше күңеленә якын тамаша һәм шөгыль таба ала. Иң мөһиме – халыкка урта гасырлар белән якыннанрак танышу мөмкинлеге бирелгән. Кичен исә барысын да утлы тамаша -  файер-шоу көтә.

Реклама

Фестиваль якшәмбе көн дә дәвам итәчәк.

Тулырак ФОТОРЕПОРТАЖ

 

Следите за самым важным и интересным в Telegram-каналеТатмедиа

Безнең социаль челтәрләр:

ВКонтакте  Одноклассники  Telegram

Реклама бүлеге телефоны 8(843)47-30-0-02.


Галерея

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: фестиваль Болгар 2019 ел тарихи реконструкция Бөек Болгар 10 августа

2
X