Спас каратистлары «Кубок новичка» турнирында призлы урыннар алдылар

Каратэ буенча тренер Рәшит Зыятдинов шәкертләре Казан шәһәрендә узган «Кубок новичка» каратэ буенча турнирда чыгыш ясадылар. Ярышларда Татарстаннан 150 артык спортчы катнашты.

Спас районы спортчылары ярышларда сынатмадылар. Икенче мәктәп укучысы Алексей Терехов яшьтәшләре арасында беренче булды. Икенче мәктәптән Галина Козина, Бураково мәктәбеннән Ольга Володина, Спас тармак технологияләре техникумы студентлары Ирина Зарифуллина һәм Айрат Миассаров икенче урыннарны алдылар. Техникум студенты Данил Волков ярышта өченче урынга чыкты.