Болгар гимнасткалары «Ярче солнца» турнирында призлы урыннар яуладылар

28-29 май көннәрендә Биектау авылының «Биектау» спорт комплексында нәфис гимнастика буенча «Ярче солнца» турниры узды. Ярышларда 300дән артык спортчы катнашты.

Спас районы командасы составына 2011-2013 елгы кызлар керде. Конкурентлы көрәштә безнең гимнасткалар индивидуаль программада призлы урыннар яуладылар.

Нәтиҗәдә, Наталья Козина, Эмилия Гомәрова һәм Дарья Ковальчук үз яшь категорияләрендә икенче урыннарны алдылар. Ясминә Мокроусова һәм Жасмин Пашаева шулай ук призлы өченче урынны яуладылар.

Барлык җиңүчеләргә һәм призерларга медальләр, дипломнар һәм кыйммәтле бүләкләр тапшырылды.