Татарстанлыларга дәүләт хезмәтләре аша төзелешкә рөхсәтне ничек алырга

2024 ел башыннан республикада төзелешкә документлар рәсмиләштерү кагыйдәләре үзгәрде. Бу өлкәдә җирле администрацияләрнең вәкаләтләрен (Казанныкыннан тыш) ТР Төзелеш, архитектура һәм торак-коммуналь хуҗалык министрлыгына тапшырдылар. Моңа 2023 елның 23 декабрендәге 131 номерлы ТР законы нигез булып тора.

Хәзер кәгазьләрнең күп өлешен "Госуслуги" порталы аша дистанцион рәвештә рәсмиләштерергә мөмкин. Моның өчен «Тормыш ситуацияләре» сервисы булдырылды. Ул адым саен төзелешне планлаштырырга һәм бердәм гариза – җир өлешен сайлаудан алып адрес алуга һәм челтәрләргә тоташтыруга кадәр җибәрергә ярдәм итә.

Барлык кирәкле функцияләр «Цифрлы төзелеш» бүлегендә җыелган. Аның аша гариза бирергә мөмкин:

• объектны торгызуга рөхсәт;
• йортны файдалануга тапшыру;
• участокның шәһәр төзелеше планы;
• төзелешнең рөхсәт ителгән параметрларыннан тайпылу;
• шәһәр төзелеше эшчәнлегенең мәгълүмат системасына белешмәләр;
• җирдән файдалану төренең үзгәрүе.

Электрон хезмәтләр «Мәгълүматлар икътисады» милли проекты кысаларында эшли. Алар үз торак төзергә карар кылган кешеләрнең тормышын гадиләштерергә һәм бюрократик процедураларга вакытны кыскартырга тиеш.