Татарстанда «Халык инспекторы»ның иң актив кулланучысы 226 гариза җибәргән

Татарстан халкы инде ике елга якын юл хәрәкәте кагыйдәләрен бозучыларны теркәп, акча эшли ала. «Халык инспекторы» кушымтасында бу мөмкинлек 2024 елның сентябреннән бралыкка килде. Шушы вакыт эчендә кешеләр хокук бозуларның җиде категориясе буенча 12 мең гариза тапшырган һәм 5,6 миллион сум акча алган.

Республикада яшәүче берәү бу кушымтада чын рекорд куйган – 26 хәбәр җибәргән һәм 275 мең сум акча алган. Икенче урында – 209 гариза җибәреп, 260,8 мең сум акча алучы.

Татарстан Республикасы Цифрлы үсеш министры Илья Начвин кушымтаның күптән инде шикаять китабы булудан туктавын билгеләп үтте. Хәзер бу юлларда куркынычсызлыкны арттыра торган эшләүче корал. Камерага машиналарын ярамаган урынга куючыларны яки куркыныч маневрны төшергән һәркем аварияне булдырмый калырга ярдәм итә. Кушымтада 200 меңгә якын кеше теркәлгән. Иң яшь кулланучыга – 17 яшь, иң тәҗрибәлесенә – 67 яшь.

Бу ничек эшли? Һәр расланган хокук бозу өчен хәбәр авторы штраф суммасының 25 процентын ала. Тикшерүне тизләтү өчен система төшерү урынын үзе билгели.

«Халык инспекторы» кушымтасы гомумән 2014 елда эшли башлады. Ул вакытта аның аша юл йөрү кагыйдәләрен бозу һәм видеога төзекләндерү очракларын теркәгәннәр, әмма моның өчен акча бирелми. 2024 елның көзендә түләүләр өстәлгән яңартылган версия чыкты. Хәзер акчаны җиде төрле хокук бозу өчен түлиләр: светофорның кызыл утына чыгу, каршы як полосага чыгу, тукталыш сызыгына керү, руль артында телефоннан сөйләшү, иминлек каешын беркетмичә йөрү, җәяүлене үткәрмәү һәм машинадан чүп-чар ташлау. Ә бу бозуларны төшерү юллардагы халәтне куркынычсызрак итәргә тиеш.