Татарстанда сигез хәрби операциядә катнашучы гаиләсе ташламалы ипотека буенча торак алды

Татарстанда махсус хәрби операциядә катнашучы хәрбиләрнең гаиләләренә торак мәсьәләсен хәл итү мөмкинлеге бирелде. Дүрт ай элек республикада махсус социаль ипотека программасы гамәлгә кертелде. Шул вакыт эчендә 20 гаилә учетка баскан, аларның сигезенә инде яңа фатир ачкычлары тапшырылган.

7% льготалы ставкалы ипотека Татарстан Рәисе Рөстәм Миңнеханов инициативасы белән гамәлгә кертелде. Ул хәрби хезмәткәрләрнең гаиләләренә льготалы тәртиптә торак сатып алырга мөмкинлек бирә.

Экспертлар билгеләп үткәнчә, мондый ярдәм гаиләләр өчен генә түгел, тулаем торак базары өчен дә мөһим. 

"Бу гаиләләргә ярдәм генә түгел, торак сатып алучыларның түләүгә сәләтле яңа катламын булдыру да”, – дип аңлатты ипотека оешмасы җитәкчесе Екатерина Булатова.

Программаны республиканың ветераннар һәм иҗтимагый оешмалары актив рәвештә хуплый. Берләшмә вәкилләре билгеләп үткәнчә, бу инициатива илне саклаучылар һәм аларның якыннары өчен чын ярдәм булып тора.