Татарстан халкына күктә пилотсыз очу аппараты күренсә, нишләргә кирәклеген искәрттеләр

Россия гадәттән тыш хәлләр министрлыгы Татарстан Республикасы буенча пилотсыз очкычлар табылган яки алар тарафыннан һөҗүм куркынычы игълан ителгән очракта халык өчен мөһим киңәшләрне искә төшерде. Бу гади инструкцияләр үзеңне һәм якыннарыңны сакларга ярдәм итәчәк.

Әгәр дә куркыныч турында хәбәр килгәндә сез өйдә булсагыз, иң куркынычсызы — фатирның тәрәзәләре булмаган өлешенә күчү, мәсәлән, ванна бүлмәсенә. Белгечләр идәнгә, тәрәзә уемнарыннан һәм тышкы стеналардан ераграк утырырга киңәш итә. Җәмәгать бинасында булганда, паникага бирелмәскә, лифттан файдаланмыйча аскы катларга, подвалга яки җир асты парковкасына төшәргә кирәк. Әгәр куркыныч урамда янаса, мөмкин кадәр тизрәк якындагы бинада яки җир асты кичүендә ышыкланырга кирәк.

Пилотсыз очкычны тапканда аеруча сак булырга кирәк. Әгәр дә сез һавадагы аппаратны күрсәгез, ул сезне күрмәсен өчен читкә китегез яки ышык урынга качыгыз. Аның белән янәшә рацияләр, мобиль телефоннар яки GPS-җайланмалар куллану бик куркыныч, чөнки аларның сигналлары дронның тотрыксызлыгына китерергә мөмкин.

Бернинди шартларда да бәреп төшерелгән яки егылып төшкән пилотсыз очкыч ватыклары янына киләргә, кагылырга яки күчерергә ярамый. Алар җитди куркыныч тудырырга мөмкин. Әгәр дә сез аппаратның фото - яки видеоязмасын ясагансыз икән, бу мәгълүматны полиция хезмәткәрләренә 112 номеры буенча тапшырырга кирәк. Мондый материалларны социаль челтәрләрдә бастыру тыела, чөнки дошман аларны кабат һөҗүмнәр өчен файдаланылырга мөмкин.

Теләсә нинди гадәттән тыш хәлләр турында хәбәрләрләрне вакытында алу өчен, коткаручылар Россия гадәттән тыш хәлләр министрлыгының рәсми мобиль кушымтасын урнаштырырга киңәш итә. Ул тиз арада ашыгыч кисәтүләр алырга мөмкинлек бирә.