Спас районыннан яшь гаиләгә торак сатып алуга сертификат тапшырылды

Бүген Спас районы хакимиятендә атналык киңәшмәдә Платоновларның яшь гаиләсенә торак сертификаты тапшыру тантанасы булды. Торак алу хокукын бирә торган документны район башлыгы Роман Исланов тапшырды.

Сертификат суммасы 781 439 сум 40 тиен тәшкил итә. Акчалар «Россия Федерациясе гражданнарын һәркем сатып ала алырлык уңайлы торак һәм коммуналь хезмәтләр белән тәэмин итү» федераль программасы һәм «Татарстан Республикасында яшь гаиләләрне торак белән тәэмин итү» төбәк проекты кысаларында бүлеп бирелгән.

"Яшь гаиләләргә ярдәм итү – безнең эшнең өстенлекле юнәлешләренең берсе. Шәхси торак иртәгәге көнгә ышаныч бирә, планнар төзергә һәм киләчәккә кыю карарга мөмкинлек бирә. Платоновларны бу мөһим вакыйга белән котлыйм һәм аларга яңа йортларында уңайлыклар, җылылык һәм бәхет телим”, — диде Роман Исланов, сертификат тапшырганда.