Спас районында ял көннәрендә ике исерек машина йөртүчене тотканнар

Узган ялларда юл-патруль хезмәте экипажлары төнлә шәһәр һәм район буенча патрульгә чыкканнар. Инспекторларның игътибарын йөртүчеләре исерек хәлдә руль артында булган ике автомобиль җәлеп итә.

Кожаевка авылында ЮХИДИ хезмәткәрләре ВАЗ-21093 машинасын туктата. Руль артында ачыктан-ачык исереклек билгеләре булган 39 яшьлек ир-ат утыра. Тикшерү 0,660 мг/л күрсәтә - бу рөхсәт ителгән нормадан өч тапкырдан артыграк. Ачыкланганча, бу машина йөртүче моңа кадәр дә исерек килеш йөргән өчен эләккән һәм хокукларыннан мәхрүм ителгән була. Хәзер аңа штраф түгел, ә җинаять җаваплылыгы яный. Материаллар сорау алу бүлегенә тапшырылган.

Икенче очрак Никольское – Отрада – Дала Йорткүл юлында була. Инспекторлар Болгарның 28 яшьлек кешесе идарә иткән «Opel Astra» ны туктата. Прибор 0,710 мг/л күрсәтә, ир-атка руль артына салмыш килеш утырган өчен протокол төзелә.
 
Ике автомобильне дә штрафстоянкага җибәргәннәр.
 
Спас районы Дәүләт автоинспекциясе халыкны битараф калмаска сорый. 

"Әгәр юлда үзен начар тоткан яки ачыктан-ачык исерек йөртүчене күрсәгез, бу хакта дежур часть телефоны буенча хәбәр итегез: 8 (84347) 3-00-18. Бер шалтырату кемнеңдер гомерен саклап калырга мөмкин, " - дип билгеләде Спас районы Дәүләт автоинспекциясе җитәкчесе Руслан Великов.