Спас районында «Балалар илне ясый» рәсем конкурсында җиңүчеләрне бүләкләделәр

«Бердәм Россия» партиясенең җирле бүлегендә «Балалар илне ясый» XX Республика рәсем конкурсының район этабына йомгак ясалды. Бүләкләү тантанасына яшь рәссамнар, аларның әти-әниләре, педагоглар һәм мәртәбәле кунаклар җыелды.

Конкурска барлыгы 38 эш алынды. Рәсемнәр дүрт номинациядә бәяләнде: «Россия халыклары бердәмлеге елы», «Татарстанда хәрби һәм хезмәт батырлыгы елы», «Юлларда куркынычсызлык» һәм «Цифрлаштыру һәм ясалма интеллект».

Халыклар бердәмлегенә багышланган номинациядә Болгарның 2нче мәктәбеннән 8 яшьлек Арутюн Багдасарян (укытучысы Татьяна Васильева) җиңде. Икенче урынны – 7 яшьлек Авдей Грачев (Болгарның 2нче мәктәбе), өченче урынны Бураково мәктәбеннән 11 яшьлек Анастасия Козлова алды.

«Хәрби һәм хезмәт батырлыгы елы» номинациясендә беренче урынны 10 яшьлек Анастасия Галимуллина яулады (Болгарның 2нче мәктәбе, укытучысы Гөлнара Виноградова). Икенче урында – Семен Журавлев (10 яшь, Болгар шифаханә-интернаты), өченче урында – 8 яшьлек Залина Әхтәмова (Болгар балалар сәнгать мәктәбе).

Юлларда куркынычсызлык темасы иң еш очрый торган темаларның берсе булып чыкты. Биредә 11 яшьлек Карина Исаева (Болгар балалар сәнгать мәктәбе) җиңү яулады. Икенче урында – Семен Журавлев, өченче урында – 9 яшьлек Ясмин Усманова (Болгар балалар сәнгать мәктәбе).

«Цифрлаштыру һәм ясалма интеллект» номинациясендә 11 яшьлек Анастасия Козина (Болгар балалар сәнгать мәктәбе) иң яхшысы булды. Икенче урынны 9 яшьлек Вероника Кузнецова, өченче урынны – 12 яшьлек Анастасия Шлячкова алды. Барлык өч җиңүче дә укытучы Марина Лаврентьева җитәкчелегендә шөгыльләнә.

"Һәр эш – ул рәсем генә түгел, ә бала йөрәге белән сөйләгән тулы бер тарих. Сез барыгыз да җиңүчеләр инде. Без сезне чын күңелдән котлыйбыз һәм сезгә белемнәрен һәм осталыкларын салган укытучыларыгызга һәм ата-аналарыгызга рәхмәт белдерәбез», – дип билгеләп үтте партиянең җирле бүлекчәсе башкарма секретаре Надежда Храменкова.

Район этабында җиңүчеләр һәм призерлар, шулай ук аларның остазлары дипломнар һәм истәлекле бүләкләр алдылар. Иң яхшы эшләр конкурсның республика этабына җибәрелде.