Спас районы ветеринария хезмәте хайваннарны кулдан сатып алмаска өнди

Терлекләрнең йогышлы авырулары буенча вәзгыть борчу тудыру сәбәпле, районның ветеринария хезмәте терлек асраучыларга һәм аны сатып алырга ниятләүчеләргә киңәшләр бирде.

Төп тыю – хайваннарны очраклы сатучылардан, бигрәк тә интернеттагы белдерүләр яки башка рәсми булмаган каналлар аша сатучылардан сатып алу.теринарлар белгечләр белән алдан килештермичә терлекләрне районга кертмәскә киңәш итәләр. Башка төбәкләрдән кертүгә рөхсәтне Татарстанның Баш ветеринария идарәсе генә бирә ала.

Хуҗалыкта булган барлык терлекләрнең шәхси номерлары булырга һәм «Хорриот» системасында теркәлергә тиеш. Яңа терлек сатып алганда, сатучы терлекнең барлык кирәкле тикшеренүләр һәм прививкалар узуын раслый торган документлар тапшырырга тиеш.

Ветеринария хезмәте исккәртеп үтүенчә, кагыйдәләрне бозу җитди нәтиҗәләргә китергән очракта, җинаять җаваплылыгы башлана.

Терлекләрдә теләсә нинди хәвефле билгеләр булганда – ашаудан баш тарту, температура күтәрелү, аксаклык, лайлалы җәрәхәтләр, башка сәер симптомнар, кичекмәстән белгечләргә шалтыратырга кирәк. Әгәр хайван үеп китсә – бигрәк тә. Спас районы ветеринария хезмәте телефоны: 8(84347) 3-08-41.