Спас районы башлыгы хәрби операция сугышчылары белән очрашты

Спас районы башлыгы Роман Исланов махсус хәрби операция зонасыннан кыска вакытлыча ялга кайткан якташлары белән очрашты.

Сүз иң мөһим мәсьәлә турында барды: алгы сызыктагы сугышчыларга бүген нәрсә кирәк, аларның гаиләләре монда, тылда нинди ярдәмгә мохтаҗ. Мондый очрашулар килеп туган проблемаларны оператив рәвештә хәл итәргә мөмкинлек бирә.

"Хәрби операциядән кыска вакытлы ялга килгән якташларыбыз, сугышчылар белән очраштым. Иң мөһиме – алгы сызыкта нәрсә кирәклеге һәм аларның гаиләләренә монда нинди ярдәм мөһим булуы турында сөйләделәр. Очрашу кабат гади һәм төп хакыйкатьне искә төшерде: безнең көч – фронт һәм тыл бердәмлегендә. Һәрбер посылка, һәр җылы сүз – ул уртак эшкә, егетләребезнең батырлыгына өлеш кертү. Читтә калмаган район халкына чын күңелдән рәхмәт белдерәбез. Җиңү безнең кулда булачак!"– дип шәрехләде очрашуны Спас районы башлыгы Роман Исланов.

Район хакимияте хәрбиләргә һәм аларның туганнарына һәрьяклап ярдәм күрсәтүен дәвам итә.