Өчкүлдә традицион бәйрәм — Авыл көне узды

Җомга көнне Өчкүл авылы халкы Авыл көнен билгеләп үтте. Өчкүлләрнең тормышына аерылгысыз өлеш булып кергән бу бәйрәм бай программасы белән сөендерде: анда хезмәтләре белән аерылып торган авылдашларны, иганәчеләрне хөрмәтләү, яшь парларны һәм озак еллар бергә гомер итүче гаиләләрне котлау, шулай ук зур концерт булды. ФОТОРЕПОРТАЖ

Бәйрәмгә җыелган авыл халкын Өчкүл авыл җирлеге башлыгы Наталья Емелюшина, районның контроль-хисап палатасы рәисе Василий Авдеев, Өчкүл урта мәктәбе директоры Евгения Сидорова, рухани Сергий (Павлов) сәламләделәр.

Бу кичтә сәхнәдән яңгыраган җылы теләкләр концерт номерлары белән үрелеп барды. «Девчата» вокаль төркеме, «Иволга» вокаль төркеме, Арина Емелюшина, Александра Гурьянова, Анна Рыжова, Николай Еликов, Надежда Павлова һәм кызы София, Матвей Шеронов һәм башкалар башкаруында күпләр яраткан җырлар яңгырады.

«Вдохновение» коллективы һәм «Дружба» мәктәп яны лагерында катнашучылар бию композицияләре белән сөендерделәр. Ә Любовь Выжлёнкова «Зәңгәр күлләр» шигырен укыды.

Кунаклар игътибарына бөек татар шагыйре Габдулла Тукайның тууына 140 ел тулуга багышланган иҗади күргәзмә тәкъдим ителде.

Теләге булган һәркем аквагримерлар хезмәтеннән файдалана, күчмә сәүдә нокталарында эчемлекләр һәм татлы ризыклар сатып ала алды.

Бәйрәм уртак дискотека белән тәмамланды.