Яшьләр көнендә Болгарда яшь гаиләләрне һәм волонтерларны хөрмәтләделәр

Спас районының шәһәр һәм авыл мәктәпләре чыгарылыш сыйныф укучыларына урта гомуми белем турында аттестатлар тапшыру тантанасы кысаларында яшьләрне хөрмәтләү дә үтте. Шулай итеп, район Мәдәният йортында бер сәхнәдә ике зур бәйрәмне берләштерергә карар ителде.

– Яшьләр көнендә без мәктәпне тәмамлаган, һөнәр үзләштергән, ныклы гаиләләр корган һәм үз тормышларын туган як белән ныклы бәйләргә карар кылган яшьләрнең казанышларын билгеләп үтәргә телибез, – дип билгеләп үтте бәйрәмне алып баручылар.

Аннары сәхнәгә Юрий һәм Анжелика Шишкиннарның яшь гаиләсе чакырылды, алар 26 июньдә никахлашып, гаиләлә корганнар.

Ә Дмитрий һәм Альбина Грачевлар, Александр һәм Тамара Воробьевлар гаиләләрендә Яшьләр көне алдыннан беренче балалары туган.

Район башлыгы Роман Исланов яшьләрне тормышларындагы мөһим вакыйгалар белән котлап, акчалата сертификатлар һәм истәлекле бүләкләр тапшырды.

Шулай ук бу көнне сәхнәдә Болгар һәм Спас районының җәмәгать тормышында актив катнашкан волонтерларны хөрмәтләделәр.

Ольга Карпеченковага, Эмилия Хәсәновага, Варвара Фоминага һәм Олег Сорокинга Рәхмәт хатларын, бүләк сертификатларын һәм истәлекле бүләкләрне бәйрәмгә мактаулы кунак буларак килгән Татарстан Республикасы һәм Кырым Республикасының атказанган сәнгать эшлеклесе Дмитрий Туманов тапшырды.