Болгарда Хәтер һәм кайгы көне алдыннан хәтер шәмнәре кабызылачак

21 июньдә 20:00 сәгатьтә Болгар шәһәренең Геройлар Аллеясында «Хәтер шәме» патриотик акциясе узачак. Ул Бөек Ватан сугышы башлануга 85 ел тулуга багышланган. 1941 елның 22 июне – миллионлаган кешенең язмышын үзгәрткән һәм илнең тарихын ике чорга бүлгән фаҗигале көн. Нәкъ шул көнне фашистлар Германиясе сугыш игълан итмичә генә Советлар Союзына һөҗүм итә.

"Хәтер шәме" – ел саен 21 июньнән 22сенә каршы төндә уздырыла торган Бөтенроссия акциясе. Россиянең төрле шәһәрләрендә кешеләр һәлак булганнарны искә алу өчен мемориаллар янына киләләр. Кайбер шәһәрләрдә меңләгән шәмнән «сугышның утлы картиналары» – геройлар портретлары һәм символик сурәтләр ясыйлар. 

Болгарда акция алай ук зур булмаса да, әмма ул ук мәгънәсе шул ук: сугыштан кайтмаганнарны искә алу һәм ул дәһшәтле елларны үз җилкәләрендә кичергән ветераннарга хөрмәт күрсәтү. Оештыручылар барлык шәһәр халкын һәм кунакларны читтә калмаска чакыра.