Болгарда мөселман яшьләренең грант конкурсы җиңүчеләрен атадылар

Болгарда 19 июльдән 26 июльгә кадәр Болгар музей-тыюлыгы территориясендә «ПроекТЫ» төбәкара мөселман яшьләр форумы тәмамланды.

Форумны оештыручылар булып ТР Мөселманнарының Диния нәзарәте һәм Ислам мәдәнияте, фәне һәм мәгарифенә ярдәм фонды чыгыш ясады. Чараны үткәрүдә Болгар ислам академиясе дә зур ярдәм күрсәтте.

Форумда барлыгы Россиянең 13 төбәгеннән 130 кеше катнашты. Яшьләр үз проектларын яклап кына калмады, экспертлар белән аралашты, командада эшләргә өйрәнде һәм фикердәшләр тапты. Төп вакыйга – эксперт жюри алдында социаль инициативаларны яклау булды. Күпсанлы гаризалардан иң көчле 19 проект сайлап алынды, аларның авторлары грантлар һәм һәрьяклап ярдәм алачак.

Грантлар бирү турында карар кабул итүче жюри һәр идеяне берничә күрсәткеч буенча бәяләде: ул җәмгыять өчен ни дәрәҗәдә актуаль һәм файдалы, бюджеты никадәр чынбарлыкка туры килә, авторларның тәҗрибәсе бармы һәм аларның чишелеше чыннан да уникальме. Барлыгы 19 җиңүче билгеләнде.

Иң перспективалы дип танылган проектлар арасында:

• белем бирү инициативалары: «Яшүсмерләр өчен яшь блогер мәктәбе» һәм мөселман укучылары өчен атна саен үткәрелә торган татар теле дәресләре;
• социаль һәм рухи программалар: яңа дингә күчкән мөселманнар өчен остазлык, өлкән яшьтәге хатын-кызлар өчен сәламәтлек клубы, мәчет янында спорт мәйданчыгы һәм ир-атлар өчен остазлык клубы;
• мәдәни һәм медиапроектлар: «Мәдәни күпер» — Кострома мемориаль мәчете янындагы яшьләр үзәге, шулай ук «Мәгърифәт лигасы» — ышанычлы ислам белемнәрен популярлаштыру буенча медиапроект;
• иҗади остаханәләр: яшүсмерләр өчен балта остасы һәм чүлмәк ясау остаханәләре, ислам эко-открыткалары;
• цифрлы чишелешләр: мөселман өммәте өчен бердәм кушымта, лексикографик платформа һәм хәләл финанс хезмәтләре системасы;
• күчел ачу проектлары: балалар лагеры өчен интерактив сәламәтләндерү-спорт программасы, кызлар өчен җәйге лагерь, ислам өстәл уены.

Киләсе елга оештыручылар географияне киңәйтергә һәм конкурсны тагын да масштаблырак итәргә вәгъдә бирә.

Фото: ТР Мөселманнары Диния Нәзарәте.