Болгарда Габдулла Тукай исемендәге Бөтенроссия укучылар конкурсында җиңүчеләрне һәм призерларны бүләкләделәр

Бүген Болгар музей-тыюлыгынң Истәлек билгесе конференц-залында Габдулла Тукай исемендәге Бөтенроссия укучылар конкурсында җиңүчеләрне һәм призерларны бүләкләү тантанасы узды. ФОТОРЕПОРТАЖ

Бөек татар шагыйренең тууына 140 ел тулуга багышланган конкурс музей-тыюлык белгечләре тарафыннан оештырылды һәм үткәрелде.
Быел конкурста Россиянең 33 төбәгеннән 674 мәгариф оешмасыннан 2067 укучы катнашты.

Оештыручыларга Татарстан, Башкортстан, Хакасия, Бурятия, Оренбург, Ульяновск, Саратов, Киров, Брянск өлкәләреннән, Пермь, Ставрополь краеннан килгән яшь шигырь укучылар иҗаты белән танышу насыйп булды.

Барлык яшь номинацияләрендә иң яхшы укучылар дипломнар белән, ә аларның педагоглары һәм ата-аналары Болгар музей-тыюлыгы дирекциясе исеменнән Рәхмәт хатлары белән бүләкләнделәр.

Бүләкләүгә конкурс призерларының бик аз өлеше генә килә алды – әти-әниләре һәм педагоглары белән дүрт катнашучы (Казаннан, Татарстан Республикасының Лаеш районыннан, Чувашиядән һәм Башкортстаннан).

Тантаналы шартларда тамашачыларның көчле алкышлары астында яшь укучыларга лаеклы бүләкләр һәм кызыксындыру бүләкләре тапшырылды.

Аннары кунакларны музей комплекслары буйлап кызыклы экскурсия һәм төшке аш көтте.

Фото: Марина Зайцева.