Болгарда эш урыннары булдыручыларны һәм икътисадны үстерүчеләрне хөрмәтләделәр

Болгарда Россия эшкуары көнен билгеләп үттеләр. Бәйрәм чарасы район Мәдәният йортында бизнес вәкилләрен җыйды.

Спас районы башлыгы Роман Исланов җыелучыларга җылы котлау сүзләре белән мөрәҗәгать итте. Ул эшмәкәрләргә авыр хезмәтләре, район икътисады үсешенә һәм яңа эш урыннары булдыруга керткән өлешләре өчен рәхмәт белдерде. Муниципалитет җитәкчесе бизнесменнарга тотрыклылык, ышанычлы үсеш һәм барлык планнарның уңышлы тормышка ашырылуын теләде.

Роман Исланов эшлекле җәмәгатьчелек вәкилләренә намуслы хезмәтләре һәм актив тормыш позицияләре өчен Рәхмәт хатлары тапшырды.

Кунаклар өчен бәйрәм рухын Спас районының иҗат коллективлары һәм башкаручылары тудырды. Тамашачыларны «Движение» хореография ансамбле, башкаручы Ольга Соловьева, шулай ук «Болгар микс» һәм «Волжские зори» вокаль коллективлары үзләренең номерлары белән сөендерде.