Болгар-музей-тыюлыгы проекты грант конкурсында отты

«Татнефть» хәйрия фонды «Игелек энергиясе – 2026» XI социаль инициативалар конкурсында җиңүчеләргә акча күчеә башлады. Грантларның гомуми суммасы 144,4 миллион сум тәшкил итә.

Быел грант конкурсына Татарстан Республикасының 38 муниципалитетыннан һәм Россиянең 13 төбәгеннән 771 гариза алынган. Экспертлар проектларны тугыз юнәлеш буенча бәяләде, шул исәптән халыкның зәгыйфь катламнарын яклау, сәламәт яшәү рәвеше һәм туризм, мәдәният һәм сәнгать, шулай ук тарихи мирасны саклау. Грантларга 99 проект ия булды.

Хупланган инициативалар арасында Болгар дәүләт музей-тыюлыгының экскурсияләрне оештыру бүлеге мөдире Гөлнара Прокофьева проекты да бар. Ул "Борынгы болгарлар юлламасы" музей-мәгариф, спорт-тарихи квест-уены" дип атала һәм "Сәламәт яшәү рәвеше һәм туризм" номинациясендә тәкъдим ителгән.

Проектларны финанслау 2026 елның маенда башланды. Акчалар коммерциячел булмаган секторны үстерүгә һәм җәмгыятьтә уңай социаль үзгәрешләргә ярдәм итүгә ярдәм итүче инициативаларны гамәлгә ашыруга юнәлдереләчәк. Шунысын да билгеләп үтәргә кирәк, конкурсны уздыруның 11 елында гомуми суммасы 1,1 миллиард сумнан артыграк булган 1150 проект грант ярдәме алган.