Болгар ислам академиясендә Ватанны саклаучылар турында мультимедиа күргәзмәсе ачылды

Болгар ислам академиясендә «Батырлыклар саклана торган урын» ( «Место, где хранятся подвиги») мультимедиа күргәзмәсе эшли башлады. Экспозиция уку йорты холлында ачылды һәм Россия халыклары бердәмлеге елына багышланды. Аның төп идеясе — Ватанны саклауның һәрвакытта да илнең барлык милләт вәкилләре өчен уртак мактаулы бурыч булуын күрсәтү.

Зур экранда «Подвиг.РФ» проекты әзерләгән плакатлар сериясе күрсәтелә. Материаллар соңгы гасыр дәвамында 23 февраль бәйрәменең ничек үзгәрүе, шулай ук төрле чор вәкилләренең батырлыгы — Бөек Ватан сугышында катнашучылардан алып безнең көннәрдә батырлык күрсәткән хәрбиләргә кадәр турында сөйли. Һәр плакатта булган QR-код аша батырлыкның җентекле тарихын өйрәнергә мөмкин.

Күргәзмә академия студентларында зур кызыксыну уятты. Аның белән танышу илнең хәрби традицияләре һәм төрле елларда Ватан сагында торган кешеләр турында күбрәк белергә мөмкинлек бирә. Оештыручылар билгеләп үткәнчә, мондый проектлар тарихи хәтерне сакларга һәм үткән һәм хәзерге батырлыкларга хөрмәтне ныгытырга ярдәм итә.

^{Фото: Болгар ислам академиясе.}