700 меңгә якын Татарстан кешесе үзләренә кредит алуны тыйган
Республика халкы дәүләт хезмәтләре һәм КФҮ аша үзләрен мошенниклардан яклый.
Татарстанда банкларга үз исеменә кредит бирүне үз теләкләре белән тыйган кешеләр саны арта. Татар-информда узган матбугат конференциясендә республиканың Цифрлы үсеш министры урынбасары Альберт Яковлев сөйләгәнчә, мондый мөмкинлектән 700 меңгә якын кеше файдаланган инде.
Аның сүзләренчә, 643 554 кеше Дәүләт хезмәтләре порталы аша үз-үзенә тыюны рәсмиләштергән. Моның өчен тагын 47 меңнән артык татарстанлы КФҮ бүлекчәләренә шәхсән килгән.
Үз-үзеңне тыю бик гади эшли: әгәр дә мошенниклар сезнең мәгълүматларны белеп, кредит алырга күндерсәләр дә, алар моны булдыра алмаячаклар. Банклар системада тыю турында билге күрәчәк һәм займ бирүдән баш тартачак.
Кредитлардан тыш, үзеңә сим-карталар рәсмиләштерүне дә тыярга мөмкин. Бу шулай ук Дәүләт хезмәтләре яки КФҮ аша эшләнә. Бу чараларның барысы да кешеләрне җинаятьчеләр гамәлләреннән саклауга юнәлдерелгән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең социаль челтәрләр:
ВКонтакте Одноклассники Telegram
Реклама бүлеге телефоны 8(843)47-30-0-02.
Нет комментариев