Спас районы педагогы «Россиянең ел укытучысы» конкурсының республика этабында икенче турга үтте

Казанда «Россиянең ел укытучысы» Бөтенроссия конкурсының төбәк этабының беренче туры тәмамланды. Катнашучылар ике җитди сынау үттеләр: ачык дәрес һәм педагогик интервью. Яңа сынауда педагоглар жюри белән турыдан-туры әңгәмәдә мәгарифне үстерү турындагы сорауларга җавап бирделәр.

Конкурс «Адымнар» полилингваль комплексы һәм Казандагы 179нчы гимназиядә узды. Тәнәфесләрдә конкурсантлар өчен «Россия-24» һәм «Эфир» телеканаллары журналистларыннан сөйләм осталыгы буенча мастер-класслар оештырылды.

Беренче ике этап нәтиҗәләре буенча финалга 15 тәҗрибәле укытучы чыкты. Алар арасында - Спас районы Антоновка урта мәктәбенең химия укытучысы Мәдинә Кузьмина.

Спас районы мәгариф бүлегендә укытучыны котладылар: 

"Төбәк этабының киләсе турына чыгу — ул зур хезмәт, һөнәри осталык һәм үз эшеңне ярату нәтиҗәсе. Районыбызның шундый көчле укытучы булуы белән горурланабыз. Мәдинә Әхәт кызына киләсе сынау — 18 мартта узачак мастер-класста уңышлар телибез".

Конкурс укытучы һөнәренең абруен күтәрүгә һәм иң яхшы педагогик практикаларга ярдәм итүгә юнәлдерелгән «Яшьләр һәм балалар» милли проекты һәм «Педагоглар һәм остазлар» ярдәмче проекты кысаларында үткәрелә.